Posts Tagged With: pagpapahalaga sa buhay

buhay atbp…

sa mahabang panahon, hinayaan kong pagpahingahin ang blog ko. sa kadahilanang di ko rin maintindihan. may mga pagkakataon na gusto ko magsulat pero mas pinipili kong hindi. pero ngayon, napagtanto ko na kailangan ko na uli kumunekta sa cyberworld, dahil kung hindi ngayon kailan pa uli di ba? kasi parang sa tagal ng bakasyon ko, nawala na rin ako sa agos ng panahon. ang masaklap pa, ang dami na palang bago sa mundong ito. pero nakakatuwang isipin na sa pagbabalik ko, parang ako pa ngayon ang baguhan sa mundong ito.

kaya iwelcome niyo naman uli ako… hehe.

gusto ko lang bigyan ng kabuluhan ang ilang mga litrato na kinunan ko nitong mga nakaraang araw.

tsinelas

nakunan ko ang mga pares ng tsinelas na ito nang kami ay nagkaroon ng storytelling at feeding na activity sa mga liblib na paaralan sa leyte. akala ko dati, ang proyekto ng rated k kung saan nagbibigay sila ng tsinelas ay sadyang palabas lamang. pero ng makita ko ang mga pares na ito, nabago bigla ang pananaw ko, na totoo palang marami pa ring mga batang pumapasok na hindi maayos ang sapin sa paa. habang kinukunan ko ang mga pares ng tsinelas na ito, narealize ko na maswerte pa talaga ako dahil hindi ako ang nagmamay-ari ng bakanteng espasyo.

sa buhay, matuto kang magpasalamat sa anumang kabutihang tinatamo, dahil di lahat ay katuladĀ  nang kinalalagyan mo.

matuto kang magpasalamat, dahil di kabilang ang tsinelas mo sa litrato.

at magpasalamat ka dahil mas pinagpala ka pa sa mga batang nagmamay ari ng mga tsinelas na ito.

sa buhay maraming dahilan para magpasalamat. kaya huwag nating sayangin ang bawat pagkakataon na pahalagahan at pasalamatan ang poong maykapal sa buhay na ating kinalalagyan.

Continue reading

Categories: accessdenied!, Blogroll, life, rice, trip | Tags: , , , , , , , , , | 38 Comments

Blog at WordPress.com. The Adventure Journal Theme.

Follow

Get every new post delivered to your Inbox.

Join 361 other followers